2017/11/23 - الساعة 7:51 م
الرئيسية / Books / تجربتي في تطبيق نصائح كتاب سحر الترتيب

تجربتي في تطبيق نصائح كتاب سحر الترتيب

origin_d1b3c0759a732e1ba7d77b4d8d55e0ed

مرحبا..

مرت 6 شهور على قرائتي لكتب ماري كوندو لترتيب المنزل،(الي حاب يشوف النبذه الي كتبتها عن الكتاب هنا), و طبقت من 6 شهور تقريبا 97% من نصائحها.. ومن بعد هال 6 شهور حابه أشارككم النتائج الي لاحظتها ممكن تحفزكم لقراءة الكتاب للي ما قرأه، أو للتطبيق حالا للي قرأه و لسا ماطبق. أو للي عنده كركبه في حياته و مو عارف من فين يبدأ التغيير.

الملابس:tidying-up-2

  • قلت رغبتي للشراء غير المدروس و تكديس الملابس او الميك اب. هوس الشراء قل عندي، ما أقدر أقول اختفى بس قل، زمان أشتري و أقول حلو يمكن احتاجه بعدين، ويتكدس الدولاب، و تصير في قطعه تحتاج قطعه جديده تمشي معها، و قطعه
  • ثانية تحتاج حاجه تناسبها، ويالله شراء يجرك لشراء ثاني. الان اشتري الي أحتاجه بهالفترة وبس.

  • صرت اشتري بوعي، يعني اعرف وش احتاج الان، واذا في ستايلات جديده ماعمري جربتها ممكن اغير و انوع .
  • الان استمتع بملابسي اكثر.. يعني لما كان عندي قطع كثير.. كنت ماقدر البسهم كلهم.. اما لانتهاء موضتهم او احس ماعادت تناسبني، واحس بتأنيب ضمير لاني لما اشوفهم عارفه ماراح البسهم ,, اتركهم واقول بعدين بتجي مناسبه راح البسهم فيها.
    فقللت القطع، صرت البسهم كلهم واعرف بالضبط ايش موجود بدولابي قطعه قطعه،و استمتع بتنسيق ستايلات مختلفه بين نفس القطع. وبين فترة و فترة ادخل قطع جديده.
  • تغير منظر الدولاب من الداخل ، تحسي براحه لما تنظري للقطع وهي مرتبة بدون زحمة.
  • صار تصريف الملابس للجمعيات يصير بشكل منظم، تلقائيا، كل فترة بتلاحظي مجموعة ملابس ماعاد تناسبك او انتهت موضتها او سمنتي او نحفتي عليها.
  • كل شيء له مكانه و بنظرة وحده على رف واحد راح تشوفين كل الي عندك.

الكتب:enhanced-16528-1423079477-4

  • قلت رغبتي في شراء الكتب و تكديسها.
  • تغيرت سياستي في شراء الكتب، أشتري فقط كتابين او ثلاثة، أكون عارفه إني راح أقرأهم هالفترة.يعني ليه التكديس؟ ماراح تطير الكتب ، بتضل على رف المكتبات موجودة، وكمان كثرت المكتبات الالكترونية سهلت عملية الشراء.
  • ما أشتري كتب الا بعد ما أخلص قراءة مجموعه من الكتب الي عندي.
  • الكتب الي عندي لما أقرأها و أخلصها، أجهزها في كيس و أعطيها لأي شخص يحب القراءة. و أهم شيء عندي يكون هالشخص مثلي راح يقرأها ولما ينتهي منها يرجع يعطيها لآخرين. طبعا الكتب الي أحسها مهمه احتفظ فيها وبالعادة يكون عددهم قليل.
  • النتيجة من كل الي كتبته فوق، رف الكتب مرتب، سهل تنظيفه لان عدد الكتب قل.. مريح للنظر, مافي تكدس كتب.
  • طريقة شرائك للكتب راح تتغير، ماعاد راح تشترين كذا عشان غلاف أعجبك، أو كتاب هبوا الناس فيه، راح تشترين الكتاب الي إنتي تحتاجينه هالفترة وبس.

الميك اب و كريمات العناية:SparkingJoy-Purging-your-accessories-and-makeup-at-thehappyhousie.com-5

  • بكل فخر قلصت و رميت كل الكريمات و الميك اب و ماتركت الا كريم للوجه وكريم للعيون و مرطب شفايف و كريم للجسم.
  • قلصت تكديس الشادوات و الارواج، رميت كثير ومابقيت إلا الي لسا مانتهى تاريخه،
  • فضى مكان كبير في ارفف التسريحه، صار اعرف بالضبط ايش عندي بالارفف، قبل كنت اشتري روج وارجع البيت والقى عندي زيه بس مانتبهت.
  • طبعا لان اشيائك بهالطريقه قلت و تستخدمينها كل يوم، راح تكوني عارفه متى ينتهي تاريخها وايش عندك من ارواج لو حبيتي بين فترة و فترة تضيفي كم لون جديد.
  • منظر رف الميك اب في النتيجة النهائية راح يكون بالضبط زي الصورة، اشيائك واضحه و مرتبه و مريحة للنظر و سهل الوصول لها.

المطبخ و باقي غرف البيت:

طبعا التطبيق نفذته في غرفتي فقط.. لكن الأساسيات وحده في نظام التصفيه لكل غرف المنزل، و النتيجة النهائية بتكون وحده.

الأثر العام على حياتي:

  • ترتيب الغرفه و تنظيفها صار اسهل و اسرع ، لأن كل شيء له مكانه الخاص المعروف, وهالشيء مرة مريح.
  • نتغيرت نظرتي للأمور، صرت أحاول أبسط الأمور و استمتع بالبساطة.
  • لما تترتب الغرفه و تفضى مساحات كبيرة فيها، سواء في الخارج أو بداخل الأرفف، راح تحسي بصفاء و تركيز لأن مافي كركبه، وهالشيء يساعدك تركزي على الخطوات الجايه في حياتك.
  • التصفيه الأولى بتاخذ وقت و جهد و أحيانا ممكن تتضايقين لأك راح تتعاملين مع مشاعرك وتعلقك بأغراضك، خصوصا لما توصلين لفقرة تصفية الذكريات، بس بعد 6 شهور من التصفية الأولى، وحبيتي تشيكي و تصفي من جديد بتصير هالمرة أسرع بكثير ومن دون تعلق، لأنك بالأساس من المرة الأولى صفيتي كل شيء غير مهم واشيائك اصلا صارت اقل فراح تسهل عليك المهمه المرة الثانية.

الموضوع مهم و يفيد كثيرين و راح يسعدني لو شاركتوه الاخرين

photo resources:

modernmrsdarcy.com
thehappyhousie.porch.com
/www.buzzfeed.com
newsdog.today

شاهد أيضاً

Neutrogena-Eye-Makeup-Remover-150x150

مقارنة مزيل ميك اب العيون نيفيا و سيفورا |sephora & Nivea

تنظيف العين من الميك اب مهمه تنرفزني ، ف بين فترة و فترة أغير مزيل ...

2 تعليقات

  1. احب مواضيع الترتيب. تتتغير نفسيتك اصلا سبحان الله لما تقعدين بمكان مرتب، اعجبتني ارفف الكتب حقتك جميله ما شا الله.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *